وەزارەتی ئەوقافی هەرێم دیاردەی سحر و جادوو قەدەغە دەکات و سەرپێچیکارانیش ڕووبەڕووی یاسا دەکاتەوە.
لە بڵاوکراوەیەکدا وەزارەتی ئەوقافی هەرێمی کوردستان ئاشکرایکرد،لەمەودوا بەپێی (ڕێنمایی یاسایی) دیارەدەی سحرو جادوو بنەبڕ دەکرێت و سەرپێچیکاران ڕووبەڕووی یاسا دەکرێنەوە و سزا دەدرێن ،
بەپێی ڕێنماییەکانی وەزارەتی ئەوقاف وکاروباری ئایینی، ( ٥٣٣٢) لە ٢٧⁄ ١١⁄ ٢٠٢٣، کە لەڕۆژنامەی وەقایعی کوردستان لەڕۆژی ١٤⁄ ١٢⁄ ٢٠٢٣، بڵاو کراوەتەوە، دیارەدەی سحرو جادوو و ھاوشێوەکانی کەپێچەوانەی بنەما ئاینیەکانە، بەھەموو شێوەیەک قەدەغە دەکرێت،
وەزارەتەکە ئاماژەی بەوەشداوە، فەرمانگەکانی وەزارەتی ئەوقاف وکاروباری ئایینی ھەماھەنگی لەگەڵ لایەنە پەیوەندیدارەکان ولایەنی جێبەجێکردن دەکات تاکو ئەو شوێنانە بەپاڵپشتی یاسایی دابخات و سەرپێچیکاران سزای توندی یاسایی وەردەگرن، ڕێنماییەکان بەم شێوەیەی خواراوە ” لەئەمڕۆوە جێبەجێ دەکرێن.
لە ماوەکانی ڕابردوودا، هەواڵی بڕینی چەندین ئەندامی ئاژەڵان بڵاوبووەوە، کە بۆ مەبەستی سحر و جادوو بەکار دەهێنرا، لە بەر ڕۆشنایی ئەم بریارەدا لەمەولا ئەو دیاردەیە بنبڕ دەکرێت و چیتر ئاژەڵان نابنە قوربانی کردەوەکانی جادووکەران.
