بریندارێکی ڕووداوی هاتووچۆ گیانی لەدەستدا

لە ئاکامی ڕووداوێکی هاتووچۆدا، هاووڵاتییەك بە هۆی سەختی برینەکەیەوە گیانی لەدەستدا.

ئەمڕۆ پێنجشەممە، بەڕێوەبەرایەتی هاتووچۆی گەرمیان ڕایگەیاند، بەهۆی پێکدادانی ماتۆڕسکیلێک و ئۆتۆمبێلێکی جۆری پیکاب لەڕێگای پشتێنەی شاری کەلار شۆفێری ماتۆڕسکیلەکە برینداربوو.

ڕوونیشیکردەوە کە شۆفێری ماتۆڕسکیلەکە بە هۆی سەختی برینەکەیەوە گیانی لەدەستدا کە دانیشتوی گەڕەکی کەلاری کۆنی قەزای کەلارە.