میدیای پارتی دیموکراتی کوردستان بڵاویکردەوە کە بە پێی جیاکردنەوەی 52٪ی دەنگەکان، لیستی پارتی هەشت کورسی لە ئەنجوومەنی پارێزگای نەینەوا بەدەست هێناوە.
ئەمڕۆ سێشەممە، کەناڵی کوردستان 24 بڵاویکردەوە، بە پێی جیاکردنەوەی 52٪ی دەنگەکانی هەڵبژاردنی ئەنجوومەنی پارێزگای نەینەوا، پارتی هەشت کورسی لە کۆی 26 کورسییەکەی ئەنجوومەنی پارێزگاکە بەدەستهێناوە.
ئەو ئەنجامانەی لە لایەن میدیای حزبەکانەوە بڵاودەکرێنەوە فەرمی نین و بڕیارە ئێوارەی ئەمڕۆ کۆمسیۆنی باڵای سەربەخۆی هەڵبژاردنەکان بە فەرمی ئەنجامی بەرایی ڕابگەیەنێت.
