سەرۆکوەزیرانی عێراق لە پەیامێکدا بەبۆنەی کۆتایهاتنی هەڵبژاردنی ئەنجوومەنی پارێزگاکانی عێراق پیرۆزبایی لەگەلی عێراق دەکات و دەڵێت:”سوپاسی هێزە سیاسییەکان دەکەم کە رکابەریکردنیان لە سنووری یاسادا پاراست”.
محەمەد شیاع سودانی لە پەیامەکەیدا دەشڵێت:” هەڵبژاردنی ئەنجوومەنی پارێزگاکان جێبەجێکردنی پابەندبوونی حکومەتە لە بەرنامە وەزارەییەکەیدا و هەنگاوێکی دیکەیە بەرەو لامەرکەزییەتی ئیداری و پتەوکردنی ئاشتیی کۆمەڵایەتی و سەقامگیری و بەدیهێنانی ئیرادەیەکی دواکەوتوو کە لە ساڵی ٢٠١٣ـەوە راگیراوە”.
سەرۆکوەزیرانی عێراق ئاماژەی بەوەشکردووە، هەڵبژاردنەکە نوێنەرایەتی دیارترین شێوەی سەرکەوتن دەکات لە ئەنجامدانی هەڵبژاردن لە کەرکووک کە لە ساڵی ٢٠٠٥ـەوە راگیراوە.
