وەزارەتی دارایی و ئابووری حكومەتی هەرێم ڕایدەگەیەنێت، سبەینێ مووچەی خانەنشینان و فەرمانبەرانی 5 وەزارەت دابەش دەكرێت.
بەپێی خشتەی ڕاگەیەنراوی وەزارەتی دارایی هەرێم، سبەی مووچەی وەزارەتەکانی (سامانە سروشتییەكان، پلاندانان، بازرگانی و پیشەسازی، گواستنەوە و گەیاندن، كشتوكاڵ و سەرچاوەكانی ئاو) دابەش دەكرێت.
هەر بەپێی خشتەكە، سبەینێ مووچەی خانەنشینانی شارستانی خەرج دەكرێت.
هەفتەی ڕابردوو دوای گەیشتنی 700 ملیار دینارەكەی عێراق، خشتەی مووچەی سەرجەم وەزارەت و دامەزراوەكان و خانەنشینان ڕاگەیەنرا و تا كۆتایی ئەم هەفتەیە سەرجەم مووچەخۆران مووچە وەردەگرن.
