ئەمڕۆ مووچەی مانگی نۆی دوو وەزارەت و کەسوکاری شەهیدان لەگەڵ زیندانییانی سیاسی دابەش دەکرێت.
بە پێی خشتەی وەزارەتی دارایی و ئابووری هەرێمی کوردستان، ئەمڕۆ یەکشەممە هەردوو وەزارەتی پەروەردە، کاروباری شەهیدان و ئەنفالکراوان لەگەڵ کەسوکاری شەهیدان و ئەنفالکراوان و زیندانییانی سیاسی مووچەی مانگی ئەیلول وەردەگرن.
بڕیارە دابەشکردنی مووچەی مانگی نۆ تا پێنجشەممەی داهاتوو بەردەوام بێت و چارەنووسی مووچەی سێ مانگەکەی دیکەش لە ساڵی داهاتوودا یەکلادەکرێتەوە.
