وەزارەتی دارایی و ئابووری حكومەتی هەرێم ڕایدەگەیەنێت، سبەینێ مووچەی مامۆستایان و كەرتی پەروەردە لەگەڵ شەهیدان دابەش دەكرێت.
بەپێی خشتەی ڕاگەیەنراوی وەزارەتی دارایی هەرێم، سبەی مووچەی وەزارەتەکانی (پەروەردە و شەهیدان) لەگەڵ مووچەی كەسوكاری شەهیدان و ئەنفالكراوان و زیندانییانی سیاسی دابەش دەكرێت.
هەفتەی ڕابردوو دوای گەیشتنی 700 ملیار دینارەكەی عێراق، خشتەی مووچەی سەرجەم وەزارەت و دامەزراوەكان و خانەنشینان ڕاگەیەنرا و تا كۆتایی ئەم هەفتەیە سەرجەم مووچەخۆران مووچە وەردەگرن.
