لە ئاكامی پێكدادانی بارهەڵگرێك و ئۆتۆمبێلێك لە قەزای ئیلیچ سەر بە پارێزگای ئەرزینجانی توركیا، دوو كەس گیانیان لەدەست دا و حەوتی دیكەش برینداربوون.
رووداوەكە لەسەر رێگای ئیلیچ-كەمالییە روویدا كە تیایدا بارهەڵگرێك و ئۆتۆمبێلێكی مەدەنی بەریەككەوتن.
لە رووداوەكەدا، كەسێك لە شوێنی رووداوەكە گیانی لەدەست دا و كەسێكی دیكەش كە برینەكەی سەخت بوو لە نەخۆشخانە گیانی لەدەست دا.
هاوكات حەوت كەسی دیكە كە لە رووداوەكەدا برینداربوون، بە ئۆتۆمبێلی فریاكەوتن گواسترانەوە بۆ نەخۆشخانەكانی ئیلیچ و ئەرزینجان و لەژێر چارەسەری پزیشكیدان.
ئاماژە بەوەیش كرا كە ژمارەیەك لە بریندارەكان بەهۆی سەختی برینەكانیانەوە مەترسی لەسەر ژیانیان هەیە.
