بەرێوەبەرایەتی ئاسایشی هەولێر دەستگیرکردنی ڤاینەرێکی ڕاگەیاند کە چەکی بێ مۆڵەتی هەڵگرتبوو و لە تۆڕەکۆمەڵایەتییەکان ڤیدیۆی خۆ نمایشکردنی بلاوکردبووەوە.
لە راگەیەندراوێکدا ئاسایشی هەولێر ڕوونیکردۆتەوە،لەدرێژەی هەڵمەتی ڕوبەڕوبونەوەی قەدەغەکردنی هەڵگرتنی چەکی بێ مۆڵەت و بڵاو کردنەوی وێنەو گرتەڤیدۆی کاتی تەقەکردن لەتۆڕە کۆمەڵایەتیەکان ،دوای وەرگرتنی ڕەزامەندی دادوەری لێکۆڵینەوەی ئاسایشی هەولێر تۆمەتبار (م، ح ، ع) کە کاری ڤاینەری دەکات لەتۆڕەکۆمەڵایەتیەکان لەلایەن هێزەکانمانەوە دەستگیرکرا، بەتۆمەتی هەڵگرتنی چەکی بێ مۆڵەت و خۆنمایشکردن بەچەک و بڵاو کردنەوەی گرتەی ڤیدۆیی لە تۆڕەکۆمەڵایەتیەکان كە کارێکی قەدەغەيه،
ڕاشیگەیاند، بۆیە دوپاتی دەکەینەوە هەرکەسێک چەکی بێ مۆڵەتی لابێت یان گرتەڤیدۆیی چەک و کاتی تەقەکردنی لەتۆڕەکۆمەڵایەتیەکان بڵاو بکاتەوە بە بڕياری دادگا لە لايەن هێزەکانمانەوە دەستگیر دەکرێت
بەڕێوەبەرایەتی ئاسایشی هەولێر سوپاسی هاووڵاتیانیش دەکات کە هەمیشە پاڵپشت و هاوکارییان بوون لە سەقامگیری ئاسایش و ئارامی شارەکەدا.
