حەسەن بیتمەز (٥٣ ساڵ) جێگری سەرۆکی پارتی سەعدەت و جێگری کۆجائێلی لە کاتی پێشکەشکردنی وتارەكەیدا لەناو هۆڵی پەرلەمانی توركیا جەڵتە لێیدا و ڕەوانەی نەخۆشخانە كرا و لە ئێستادا دۆخی تەندروستی ناجێگیرە.
لە میانی گفتوگۆی بەردەوامی بودجە لە پەرلەمانی تورکیا، حەسەن بیتمەز، ئەندامی پارتی سەعدەت بەناوی پارتەکەیەوە وتارێكی پێشكەش كرد و دوای كۆتایی هاتنی وتارەكەی و کاتێک خەریک بوو پۆدیۆمی وتاردان بەجێبهێڵێت، نەخۆش کەوت و كەوت بە زەویدا.
باڵیکسیر جێگری ئۆپ. د. تورهان چۆمێز فریاگوزاری سەرەتایی بۆ حەسەن بیتمێز کرد. پاشان پزیشکانی پەرلەمان چوونە ناو هۆڵی کۆبوونەوەی گشتی بۆ فریاگوزاری سەرەتایی و بۆ ماوەیەک بووژانەوەی دڵیان بۆ كرد و دواتر بیتمێز بە ئامبولانس گواسترایەوە بۆ نەخۆشخانەی بیلکنت سیتی.
بولێنت کایا، جێگری سەرۆکی گروپی پارتی سەعدەت وەک هاوڕێی بیتمێز چووە نەخۆشخانە و ڕایگەیاند، ناوبراو نەخۆشی شەکرە و نەخۆشی دڵی هەیە.
