لەسەر ڕێگای کەلار ـ خانەقین بەهۆی پێکدادانی دوو ئۆتۆمبێل، چوار کەس برینداربوون.
بەڕێوەبەرایەتی هاتووچۆی گەرمیان لە ڕاگەیەنراوێكدا ئاماژەی بەوەكردووە، سەر لە ئێوارەی ئەمڕۆ (سێ شەممە) لەسەر ڕێگای کەلار- خانەقین نزیک گوندی (سەوزبڵاخ) بەهۆی پێکدادانی دوو ئۆتۆمبێلی جۆری (تۆیۆتا کرولا و کیا بارهەڵگر) چوار کەس برینداربوون.
ڕاشیگەیاندووە، بریندارەکان دوو شۆفێر و دوو سەرنشینی بوون و ڕەوانەی نەخۆشخانەی فریاکەوتنی شەهید هەژار کران لەکەلار.
جەختیشی كردۆتەوە، لەلایەن تیمی هاتووچۆوە لێکۆڵینەوە لە ڕووداوەکە دەستی پێکردووە.
