ڕێواز فایەق بڕیاری دادگای باڵای فیدڕاڵی بە بڕیارێکی دروست و یاسایی ناودەبات سەبارەت بە دۆخی بۆ کەرکوک.
د. رێواز فایەق، سەرۆکی خولی پێنجەمی پەرلەمانی کوردستان رایگەیاند، بڕیاری دادگای فیدراڵی بۆ رەتکردنەوەی داوای دواخستنی ھەڵبژاردنی ئەنجومەنی پارێزگای کەرکوک، وەڵامدانەوەیەکی یاسایی دروستە، بۆ ڕاگرتنی ھەموو ئەو ھەوڵانەی بە مەبەستی ھێشتنەوەی دۆخی نالەباری پارێزگاکە لەلایەن نەیارانی پێکەوەژیانی ئاشتیانە لە شارەکەدا دەدرێن.
ئەمە لەکاتێکدایە کە ئەمڕۆ، دادگەی فیدراڵیی عێراق ئەو سکاڵایەی رەتکردەوە کە بۆ دواخستنی هەڵبژاردن لە کەرکووک پێشکەشکرابوو، بەمەش لەکاتی خۆیدا و هاوشێوەی پارێزگەکانی دیکەی عێراق، هەڵبژاردنی ئەنجومەنی پارێزگاکان لە کەرکووک ئەنجام دەدرێت.
