لەماوەی ١٠ ساڵی ڕابردوودا ئەمە سێیەم جارە مەسیحییەکانی عیراق ئاهەنگ گێڕانی سەری ساڵی زاینی ڕەتدەکەنەوە.
پاتریارکی کلدانەکانەکانی عێراق ڕەتی دەکاتەوە بەشداری لە ئاهەنگەکانی سەری ساڵی زاینی و لەدایکبوونی عیسادا (علیە السلام) بکەن ئەوەش وەک وەفا و ڕێزێک بۆ قوربانیانی ڕووداوەکەی هۆڵی حەمدانییە لە قەرەقوش کە گیان لەدەستدانی زیاتر لە سەد کەسی لێکەوتەوە لەگەڵ گیانلەدەستدانی ئەوانەی لە خاکی پیرۆز کە مەبەست پێی قودس و فەلەستینە گیانیان لەدەستداوە.
زانایانی ئاینی مەسیحی عێراق لە بەیاننامەیەکدا ڕایانگەیاند، داوا لە دەوڵەتی عێراق دەکەن مافی مەسیحییەکان بپارێزن، چونکە مەسیحییەکان کەمینەنین و لەعێراقدا ڕەگێکی قوڵیان داکوتیووە و بەرلەهاتنی ئیسلام مەسیحییەکان لە عێراقدا ژیاون و دوای هاتنیشی تێیدا ژیانیان کردووە و ڕۆلێکی گرنگیان لە مێژووی عێراق و ڕافیدیندا هەبووە و بەشێکی بنچینەییبوون لە پێکهێنانی شارستانییەت و کۆمەڵایەتی و نیشتیمانی عێراقدا.
هاوکات، لەماوەی ١٠ ساڵی ڕابردوودا ئەمە سییەمین جارە مەسیحییەکانی عێراق ڕەتی دەکەنەوە ئاهەنگی سەری ساڵی زاینی بگێڕن، لەساڵی ٢٠١٩دا و بەهۆی دروستبوونی خۆپیشاندانەکانی تشرین و گیانلەدەستانی سەدان مەدەنی و کارمەندی هێزە ئەمنییەکان و چەشتنی ئازار لەلایەن کەسوکار و خێزانەکانیان ڕەتیانکردەوە ئاهەنگی سەری ساڵی نوێ و لەدایکبوون بگڕن.
لەساڵی ٢٠١٤دا بەهۆ رووداوەکانی موسڵ و گیانلەدەستدانی چەندین کەس لە هێزەکانی پێشمەرگە و هێزە ئەمنییەکان مەسیحییەکان ڕەتیانکردەوە بەشداری ئاهەنگەکانی سەری ساڵی نوێ بکەن و ئەمساڵیش بەهۆی ڕووداوی ئاگرەکەی حەمدانییە و قوربانیانی فەلەستینەوە بەشداری لە ئاهەنگەکانی سەری ساڵدا ناکەن.
