بەڕێوەبەرایەتی ئاوی سلێمانی، ڕایدەگەیەنێت، لە ئەمڕۆوە داشكانی قەرزی پارەی ئاو تا ماوەی 3 مانگ دەستپێدەكات.
ئامانج جەلال، وتەبێژی بەڕێوەبەرایەتی ئاوی سلێمانی بۆ (خەڵك) ڕایگەیاند، لە ئەمڕۆوە ١٠/١٢/٢٠٢٣ بۆ ماوەی ۳ مانگ هاووڵاتی سوودمەند دەبێت لە داشکاندنی 15%ی قەرزی ئاو.
ڕاشیگەیاند، هاووڵاتیان دەتوانن سەردانی بەڕێوەبەرایەتی و بنكەكانی وەرگرتنی پارەی ئاو بكەن بۆ پێدانی پارەی ئاو تاوەكو لێخۆشبوون لە بڕێكی قەرزەكانیان بۆ بكرێت.
هەفتەی ڕابردوو ئەنجوومەنی وەزیرانی هەرێمی كوردستان بڕیاریدا داشكاندنی 15% بۆ پارەی قەرزی ئاوی هاوووڵاتیان بكات بەو مەرجەی لەماوەی 90 ڕۆژدا پارەی پسووڵەی ئاو بدەن.
