وتەبێژی فەرماندەیی گشتی هێزە چەکدارەکانی عێراق: بە فەرمانی سەرۆکوەزیران دەست بە لێکۆڵینەوە لە هێرشی سەر باڵیۆزخانەی ئەمریکا لە بەغداد کراوە، و لێکۆڵینەوە لە بەرپرسانی ئەمنی ئەو ناوچەیە دەکرێت هێرشەکەى لێوە ئەنجامدراوە و کەسى کەمتەرخەم رووبەڕووى یاسا دەکرێتەوە.
وتەبێژی فەرماندەی گشتی هێزە چەکدارەکان، یەحیا ڕەسووڵ، لە بەیاننامەیەکدا ڕایگەیاندووە، “بە ڕێنمایی و بەدواداچوونی فەرماندەی گشتیی هێزە چەکدارەکان، محمد شیاع سودانی، بۆ دیاریکردنی بارودۆخی ئەو هێرشانەی کە دژی باڵیۆزخانەی ویلایەتە یەکگرتووەکانی ئەمریکا لە عێراق و هەروەها بارەگای دەزگای ئاسایشی نیشتمانی و ژمارەیەک لە بینای نیشتەجێبوونی نزیک لەو شوێنە ئەنجام دراوە، تیمێکی کاری هاوبەش بوو پێکهێنراوە بۆ لێکۆڵینەوە لە بەرپرسانی ئەمنی دەکرێت.
یەحیا ڕەسووڵ ئاماژەی بەوەداوە: ئەفسەر و ئەندامانی یەکەکانی پاراستن و مەفرەزە تایبەتمەندەکانی تایبەت بەوناوچەیە ڕەوانەی لیژنە تایبەتمەندەکانی لێکۆڵینەوە کران بۆ لێپرسینەوە لەوانەی کەمتەرخەم بوون،
ناوبراو لە درێژەی قسەکانیدا وتی: بە سەرپەرشتی ڕاستەوخۆی فەرماندەی گشتیی هێزە چەکدارەکان، بەردەوامن لە ڕاوەدوونانی ئەنجامدەرانی ئەم کارە تاوانکارییە، بۆ دەستگیرکردنیان و دادگاییکردنیان بۆ ئەوەی سزای دادپەروەرانەی خۆیان وەربگرن،
جەختیشی لەوە کردەوە کە “رێوشوێنە ئەمنییەکان توند دەبن بەرامبەر بەو کەسانەی کە ئەم کردەوە تیرۆریستییەیان ئەنجامداوە، و ئەوان ملکەچی یاسا دەبن.
