ئەنجومەنی وەزیرانی عێراق بڕیاریدا ڕۆژی یەک شەممە پشووی فەرمی بێت بە بۆنەی سەرکەوتن بەسەر داعش دا.
ئەمڕۆ پێنجشەممە، محەمەد شیاع سودانی، سەرۆکوەزیرانی عێراق، بە بۆنەی ڕزگارکردنی خاکی عێراق لە دەستی چەتەکانی تیرۆریستی داعش کە ناونراوە (ڕۆژی سەرکەوتن)، ڕۆژی یەکشەممە کە دەکاتە بەرواری 10/12/2023 کردە پشووی فەرمی لەسەرجەم دام و دەزگاکاندا.
بەڵام لە هەرێمی کوردستان تا ئەم ساتە ئەو پشووە ڕانەگەیەنراوە، هاوکات لایەنە پەیوەندیدارەکانیش هیچ زانیارییەک یان پەیوەستبوونیان بەو بڕیارەی سەرۆکوەزیرانی عێراق ڕانەگەیاندووە.
