ئەمڕۆ چوارشەممە، ٦ی کانوونی یەکەمی ٢٠٢٣ لەسەر ئەرکی یاسین مەحمود ڕەشید خاوەنی گروپی کۆمپانیاکانی بەرێز و لە چوارچێوەی هەوڵەکانی ڕێکخراوی خێرخوازی خەڵکدا، ژمارەیەک عەرەبانەی تایبەت بۆ هاتووچۆی هاووڵاتیانی خاوەن پێداویستی تایبەت و کەسانی پەککەوتە ڕادەستی بەرێوەبەرایەتی پاسپۆرتی پارێزگای سلێمانی کرا.
گەیاندنی ئەم هاوکارییە بەهۆی بەردەستنەبوونی هۆکاری گواستنەوە بۆ کەسانی پەککەوتە و خاوەنپێداویستی تایبەت لەبەرێوەبەرایەتی ناوبراو هات، کە وەک ئەرکێکی مرۆیی یاسین مەحمود ڕەشید تێچووەکەی لەئەستۆگرت.
لای خۆیەوە، بەرێوەبەری پاسپۆرتی پارێزگای سلێمانی، دەستخۆشی لە خاوەنی گرووپی کۆمپانیاکانی بەرێز و رێکخراوی خێرخوازی خەڵک کرد بۆ ئەم بەخشینەیان و بەردەوامبوونیان لە هاوکاری و هەماهەنگی هاووڵاتیان و دامودەزگاکان.
ڕێکخراوی خێرخوازی خەڵک، سەربە گرووپی کۆمپانیاکانی بەرێزە و ڕاییکاری کارە خێرخوازییەکانیەتی و مۆڵەتپێدراوی فەرمانگەی ڕێکخراوە ناحکومییەکانی هەرێمی کوردستانە، کە بەردەوام هاوکار و دەستگیرۆیی دامودەزگاکانی حکومەتی هەرێم و هاووڵاتیان و چین و توێژە جیاوازەکانە و بەردەوام لە کۆمەک و هەڵمەتە نیشتمانییەکاندا جێدەستی دیارە.
