ئەمڕۆ چوارشەممە، لە بازاڕەکانی هەرێمی کوردستان نرخی ١٠٠ دۆلاری ئەمریکی بە ١٥٦ هەزار و ٨٠٠ دیناری عێراقی مامەڵەی پێوەدەکرێت.
دابەزینی نرخی دۆلار لە کاتێکدایە کە دوێنێ نرخەکەی بۆ ١٥٧ هەزار و ٧٥٠ دینار بەرزبوەوە.
ئەمڕۆ بانکی ناوەندی عێراق بڕی ٢١٤ ملیۆن و ٣٨٨ هەزار ٧٩٥ دۆلاری خستەبازاڕەوە، لەم بڕەش ١٤ ملیۆن و ٥٩٠ هەزاری بە نەقد بوو، لە کاتێکدا دوێنێ بڕی ١٩ ملیۆن ٧٣٠ هەزار دۆلاری خستەبازاڕەوە.
ناجێگیری نرخی دۆلار لە کاتێکدایە کە بانکی ناوەندی عێراق چەندین ڕێکاری بۆ جێگریکردنی بەهای دۆلار گرتووەتەبەر، بڕیارە لە ساڵی ئایندەوە سەرجەم مامەڵەکانی ناوخۆی عێراق بە دینار ئەنجامبدرێت.
