وەزارەتی کارەبا هاوبەشانی کارەبا ئاگادار دەکاتەوە سەردانی بەڕێوەبەرایەتییەکان بکەن، بە مەبەستی گۆڕینی کارەباکەیان بۆ پریپەید.
ئەمڕۆ دووشەممە، وەزارەتی کارەبا ڕاگەیەندراوێکی بڵاوکردەوە و داوای لە هاوبەشانی کارەبا لە پۆلی ماڵان و بازرگانی کرد کە سەردانی بەڕێوەبەرایەتییەکانی کارەبای سنوورەکان بکەن، بەمەبەستی پێشکەشکردنی داواکاری بۆ گۆڕینی کارەبا بۆ پریپەید.
ئاماژەی بەوەکرد، هەر هاوبەشێک بیەوێت کارەباکەی بکات بە پریپەید پێویستە سەردانی بەڕێوەبەرایەتییەکانی کارەبای سنوورەکەی بکات و داواکارییەک بە پڕکردنەوەی ئەم فۆرمەی هاوپێچ پێشکەش بکات، بۆ ئەوەی کاری پێویست بۆ جێبەجێکردنی سیستەمی پریپەید بۆی بکرێت.
