لە ئاکامی دوو ڕووداوی هاتووچۆ لە چۆمان و ئیبراهیم خەلیل، چوار کەس گیانیان لە دەستدا.
ئەمڕۆ دووشەممە، ئۆتۆمبێلێك لە سنووری شارۆچکەی چۆمان هەڵدێرا کە ژمارەیەك گەشتیاری لە نێودابوو و بەهۆیەوە سێ کەس گیانیان لەدەستدا.
لە سنووری ئیدارەی سەربەخۆی زاخۆش، ئۆتۆمبێلێک لەسەر ڕێگەی ئیبراهیم خەلیل وەرگەڕا و گیانلەدەستدانی کەسێك و برینداربوونی کەسێکی دیکەی لێکەوتەوە.
هەر ئەمڕۆ دوو کەس لە ڕووداوێکی هاتووچۆدا لەسەر ڕێگەی کەرکووك-هەولێر گیانیان لەدەستدا و یەکێکی دیکەش بریندار بوو.
