دوو مامۆستای ئایینی لە شاری بۆکان-ی ڕۆژهەڵاتی كوردستان لەلایەن هێزە ئەمنییەکانەوە دەستگیرکران.
دوێنێ شەممە 2ی كانوونی یەكەمی 2023، هێزە ئەمنییەکانی شاری بۆکان، حەسەن ئەمینی، وتاربێژی مزگەوتی گوندی مەڵالەر و محێدین محەممەدزادە، وتاربێژی گوندی نۆباریان دەستگیر کرد.
بەپێی ڕاپۆرتی ڕێکخراوەکانی مافی مرۆڤی ڕۆژهەڵاتی کوردستان، ئەو دوو مامۆستا ئاینییە خەڵكی گوندەكانی شاری سەقزن و تا ئێستا هۆكاری دەستگیركردنیان نەزانراوە.
هەفتەی ڕابردووش مامۆستا حسێن عەلیمورادی خەڵکی سنە، لەلایەن دادگای تایبەت بە کەسایەتییە ئایینییەکانی شاری هەمەدانەوە سزای 16 مانگ زیندانی بەسەردا سەپێنرا.
