سودانی جێبەجێکردنی یاسای خانەنشینی و بیمەی کۆمەڵایەتی ڕاگەیاند و ڕوونیشیکردەوە کە بیمەی کۆمەڵایەتی بۆ زیاتر لە دوو ملیۆن خێزان خەرجدەکرێت.
ئەمڕۆ یەکشەممە، محەمەد شیاع سودانی سەرۆك وەزیرانی عێراق لە ڕۆژی جیهانیی خاوەن پێداویستی تایبەتدا سەردانی وەزارەتی کار و کاروباری کۆمەڵایەتی کرد.
سودانی لە میانی سەردانەکەیدا ڕایگەیاند، یاسای خانەنشینی و بیمەی کۆمەڵایەتی کەوتووەتە بواری جێبەجێکردنەوە.
ئەوەشی خستەڕوو کە دوو ملیۆن و 151 هەزار و 551 خێزان لە وەرگرتنی بیمەی کۆمەڵایەتی سوودمەند دەبن، ئەوەش بەرزترین ئاستە لە مێژووی وەزارەتی کاردا.
