سەرۆكایەتی شارەوانی سلێمانی سزای بۆ فڕێدانی خۆڵ و خاشاك ڕاگەیاند و جەختیشدەكاتەوە، پاکڕاگرتنی شەقام و شۆستەکان بە ئەرکی ڕۆژانەی خۆمان دەزانین.
سەرۆکایەتی شارەوانی سلێمانی لە ڕاگەیەنراوێكدا ئاماژەی بەوەكردووە، کۆکردنەوەی خۆڵ و خاشاک لە شەقام و شوێنە گشتیەکاندا سیمایەکی جوان و ژینگەیەکی تەندروست دەبەخشێت بە شارەکەمان و پاکڕاگرتنی شەقام و شۆستەکان بە ئەرکی ڕۆژانەی خۆمان دەزانین.
ڕاشیگەیاندووە، بە ماف و ئەرکی خۆمانی دەزانین سزا و تاوانەی یاسایی بەرامبەر ئەو کەسانە بەکاربهێنین، کە خۆڵ و خاشاک فرێ دەدەن لە شوێنە گشتیەکان و شەقامە سەرەکیەکان.
جەختیشی كردۆتەوە، هەڵمەتی بەشی خزمەتگوزاری شارەوانی دەستی پێكردووە بۆ بە تاوانەکردنی ئەو فرۆشگا و دوکاندارانەی، کەهۆکارن بۆ پیسبوونی ژینگە.
