بەهۆی پابەندنەبون بەمەرج و ڕێنماییەکانی کارکردن، لیژنە هاوبەشەکانی قائیمقامیەتی سلێمانی کارگەی دروستکردنی شاورمەی ئۆپتی چکین دادەخات.
قائیمقامیەتی سلێمانی لە ڕاگەیەنراوێكدا ئاماژەی بەوەكردووە، ئەمڕۆ شەممە (2023-12-2) بەهۆی پابەندنەبون بەمەرج و ڕێنماییەکانی کارکردن بەگشتی و ڤێتێرنەری و تەندروستی بەتایبەتی، لیژنە هاوبەشەکان بەفەرمانی قائیمقامی سلێمانی کارگەی ئۆپتی چیکن لەگەڕەکی بەکرەجۆ دادەخات و خاوەنەکەشی ڕوبەڕوی ڕێکاری یاسایی دەکاتەوە.
ڕاشیگەیاندووە، یەکێکی دیکە لەسەرپێچییەکانی کارگەی ئۆپتی چیکن، خاوکردنەوەی گۆشت و مریشکی بەستووە بەدەر لە ڕێنماییەکانی ڤێتێرنەری و تەندروستییە، ئەوەش دەبێتە هۆی زیان گەیاندن بەتەندروستی مرۆڤ.
بۆ گەیاندنی سکاڵا و زانیاری بەقائیمقامیەتی سلێمانی و لیژنە هاوبەشەکان، پەیوەندی بە ژمارە مۆبایلی (07708677777)ـەوە بکەن.
