لە شەوی رابردووەوە سوپای عێراق لە گوندی گۆپتەپە لە سنووری مەخموور دوو جار هێرشی کراوەتەسەر، سەربازێکی عێراقی کوژراوە و پێنجی دیکە بریندارن.
ئەمڕۆ شەممە، غازی فەیسەڵ، فەرماندەی هێزی خۆبەخشی سنووری چیای قەرەچووخ لە مەخموور ڕایگەیاندووە، شەوی ڕابردوو لە گوندی گۆپتەپە لە مەخموور داعش هێرشیان کردووەتە سەر هێزەکانی سوپای عێراق و لەو هێرشەدا ئەفسەرێک و دوو سەرباز برینداربوون.
هاوکات ئاماژەی بەوەکرد، بەرە بەیانی ئەمڕۆ لە هەمان شوێن هێرشکراوەتەوە سەر هێزە عێراقییەکان و سەربازێک کوژراوە و دوانی دیکەش برینداربوون، ئێستا لە ناو گوندەکەدا چەکدارانی داعش گەماڕۆ دراون.
