کەشناسی هەرێمی کوردستان ڕەوشی کەش و هەوای ٤٨ کاتژمێری داهاتووی بڵاوکردەوە و تێیدا ئاماژەی بەوەکردووە ئەمڕۆ سێشەممە، ئاسمان ساماڵ و پەڵە هەور دەبێت و هەندێ کات دەگۆڕێت بۆ نیمچە هەور و پلەکانی گەرما بەگشتی نزیک لە تۆمارکراوەکانی رۆژی پێشتر دەمێنێتەوە.
سەبارەت بە دۆخی کەشوهەوای سبەی چوارشەممە کەشناسی ئاماژەی بەوەکردووە، سبەی ئاسمان ساماڵ و پەڵە هەور دەبێت و هەندێ کات دەگۆڕێت بۆ نیمچە هەور و پلەکانی گەرما بە یەک بۆ دوو پلە بەراورد بە تۆمارکراوەکانی ئەمڕۆ بەرز دەبێتەوە.
هاوکات، بەرزترین پلەکانی گەرمای پێشبینیکراو بە پلەی سیلیزی بۆ سبەی چوارشەممە بەشێوەی خوارەوە دەبێت.
هەولێر: ١٩ پلەى سیلیزى
سلێمانی: ١٧ پلەى سیلیزى
دهۆک: ١٧ پلەى سیلیزى
کەرکوک: ٢٢ پلەى سیلیزى
هەڵەبجە: ١٩ پلەى سیلیزى
زاخۆ : ١٨ پلەى سیلیزى
گەرمیان: ٢٤ پلەى سیلیزى
حاج ئۆمەران: ٩ پلەى سیلیزى
سۆران : ١٩ پلەى سیلیزى
