بەڕێوەبەرایەتی نەوت و كانزاكانی سلێمانی ئاشكرای دەكات، كە سبەینێ دابەشكردنی نەوت لە سنووری چوار گەڕەكی سلێمانی بەردەوام دەبێت.
سەرچاوەیەك لە بەڕێوەبەرایەتی نەوت و كانزاكانی سلێمانی بۆ (خەڵك) ڕایگەیاند، دابەشكردنی نەوت لە سنووری مەڵبەندی یەك لەناو شاری سلێمانی بەردەوامە و هەر ماڵێك بەرمیلێك نەوتی 200 لیتری پێ دەدرێت.
ئاشكراشی كرد، سبەینێ نەوت لە سنووری گەڕەكەكانی (گۆیژە و هەوارەبەرزە و تووی مەلیك و عەلی كەمال) دابەش دەكرێت.
وتیشی، “بڕێكی باش نەوت دابین كراوە و بڕیارە سەرجەم هاووڵاتیان بەرمیلێك نەوت وەربگرن”.
جەختیشی كردەوە، تا ئێستا ئەو نەوتەی بڕیارە حكومەتی عێراقی بینێرێت بۆ هاووڵاتیانی هەرێم، نەگەیشتووە.
