بانکی ناوەندی فرۆشتنی دۆلاری نەختی کەمکردەوە

بە بەراورد لەگەڵ دوێنێ، بانکی ناوەندی فرۆشتنی دۆلاری نەختی کەمکردەوە و ئەمڕۆش نرخی 100 دۆلار لە سەروو 158 هەزار دینارەوە مامەڵەی پێوە دەکرێت.

ئەمڕۆ دووشەممە، بانکی ناوەندی عێراق ڕایگەیاند، 209 ملیۆن دۆلاری فرۆشتووە کە تەنها 16 ملیۆن و 780 هەزار دۆلاری بە نەخت بووە.

بە بەراورد لەگەڵ دوێنێ یەکشەممە، فرۆشتنی دۆلاری نەخت کەمیکردووە کە بڕەکەی 22 ملیۆن و 500 هەزار بوو.

هێشتا نرخی دۆلار لە بازاڕەکاندا بە بەرزیی ماوەتەوە و ئەمڕۆش 100 دۆلار بە 158 هەزار و 400 دینارەوە مامەڵەی پێوە دەکرێت.