لە قەزای دەربەندیخان چەند پرۆژەیەک لە بواری کارەبادا چووە بواری جێبەجێکردنەوە و کارکردن لەبەشێک لە پرۆژەکاندا دەستی پێ کردووە و پرۆژەکانیش لەسەرداوای قیمقامیەت و بەڕێوەبەرایەتی کارەبای قەزاکە لە لایەن بەڕێوەبەرایەتی گشتی کارەبای سلێمانییەوە جێبەجێ دەکرێن.
پرۆژەکان پێکهاتوون لە، دانانی ئینارە بۆ شەقامی ناوشار کە لە تونێلی دەربەندیخان و دەروازی شارەوە هەتا ناوبازاڕی دەربەندیخان درێژدەبێتەوە و بەبڕی ١٨٢ ملیۆن و ٩٦٥ هەزار و ٥٦٠ دینار لەسەر داهاتی بەڕێوەبەرایەتی دابەشکردنی کارەبای سلێمانی جێبەجێ دەکرێت.
بەشێکی دیکەی پرۆژەکان بریتییە لە دانانی محاویلە بۆ چارەسەرکردنی بارزۆری بەشێک لە گەڕەکەکانی (٤٢ و هەوارەبەرزە، بە بڕی ٨١ ملیۆن و ٢٩٤ هەزار و ٩١٨ دینار، هەوەرها چاکسازی فیدەری (٦+١٢+١٣)ـەی وێستگەی دەربەندیخان بە بڕی ٢٢ ملیۆن و ٥٥٧ هەزار و ٣٠٠ دینار لەسەر بودجەی بەڕێوەبەرایەتی دابەشکردنی کارەبای دەربەندیخان.
هەوەرها دوو پرۆژەی دیکە کە هەریەک لە پرۆژەکانی ڕاکێشانی هێڵی کارەبا بۆ بیری گوندی کۆکۆیی شەمێران بە بڕی حەوت ملیۆن و ٤٠٣ هەزار و ١٦٠ دینار جێبەجێ دەکرێت و چاکسازی فیدەری یەکی وێستگەی دەربەندیخان بە بڕی ١٩ ملیۆن و ١٤٦ هەزار و ٤٣٠ دینار جێبەجێ دەکرێن.
کۆی گشتی بڕی پارەی دابینکراو بۆ ئەو پرۆژانە کە لە بواری کارەبادا لە قەزای دەربەندیخان چوونەتە بواری جێبەجێکردنەوە بریتییە لە ٤٩١ ملیۆن و ٣٦٧ هەزار و ٣٦٨ دینار.
