لە میانی ئامادەبوونی لە یاری دۆستانەی نێوان ڕۆژنامەنووسان و هونەرمەندان، قوباد تاڵەبانی جێگری سەرۆکی حکومەتی هەرێم بۆ خەڵک دواو رایگەیاند، پەیوەندیم لەگەڵ وەرزش باشە و هاندەری مانچستەر یونایتدی ئینگلیزیم،
هاوکات قوباد تاڵەبانی خولیای خۆی بۆ وەرزش دەربڕی و وتی، لە ئێستادا خولیای فێربوونی شەتڕەنج دەکەم و خوازیارم بەباشی فێری ببم.
یاری دۆستانەی نێوان هەردوو تیپی ڕۆژنامەنووسان و هونەرمەندان لە یاریگای کەمال سەلیم لە سلێمانی بەڕێوەچوو، یارییەکە بەبۆنەی دامەزراندی یادی سلێمانییەوە ڕێکخرابوو، هاوکات چەندین بەرپرس و هاندەری هەردوولا لە یاریگا ئامادەبوون.
