ئەمڕۆ چوارشەممە، جێگری سەرۆک وەزیران بۆ کاروباری وزە و حەیان عەبدولغەنی، وەزیری نەوت، لەگەڵ ئالپ ئەرسلان بایراکتار، وەزیری وزە و سامانە سروشتییەکانی تورکیا، پەیوەندییە دووقۆڵییەکانی کەرتی نەوت و وزەیان تاوتوێ کرد.
نووسینگەی ڕاگەیاندنی وەزارەتی نەوت، ڕایگەیاندووە، ” حەیان عەبدولغەنی پێشوازی لە ئالپ ئەرسلان بایرەکتار، وەزیری وزە و سامانە سروشتییەکانی تورکیا کرد، لە میانی کۆبوونەوەکەشدا باسیان لە پەیوەندییە دووقۆڵییەکان کرد سەبارەت بە پرسی هەناردەکردنەوەی نەوت”.
ئاماژەی بەوەشکرد، “هەردوولا کۆبوونەوەیەکیان ئەنجامدا کە بەرپرسانی وەزارەتەکانی نەوت و وزەی عێراق و تورکیایی لە خۆگرتبوو بۆ گفتوگۆکردن لەسەر بابەت و پرسگەلێکی بەرژەوەندی هاوبەش، جگە لە بەرزکردنەوەی ئاسۆی هاوکاریی دووقۆڵی لە بوارەکانی تایبەت بە کەرتی وزە و نەوت”.
لە کۆتایی بەیاننامەکەدا هاتووە: “هیوادارە وەزیری نەوت و وزەی تورکیا لە سەردانەکەیدا بۆ بەغدا لەگەڵ ژمارەیەک بەرپرسی حکومەت کۆببێتەوە”.
