دابەشكردنی نەوت لە ناو شاری هەولێر دەستی پێكرد و هەر ماڵێك بەرمیلێك نەوتی 200 لیتری بە 103 هەزار و 500 دینار پێ دەدرێت.
نەبەز عەبدولحەمید، قائیمقامی هەولێر ڕایگەیاند، ئەمڕۆ سێ شەممە ٢٠٢٣/١١/٢١ ، لەناو سەنتەری شاری هەولێر ، لەبنکەکانی (٢٠١ ، ٢٠٢ ، ٢٠٣ ، ٢٠٤ ، ٢٠٥) پڕۆسەی دابەش کردنی نەوتی سپی دەستی پێکرد.
ئەمە لەكاتێكدایە، كە دابەشكردنی نەوت لە ناوچەكانی دەورووبەری شاری هەولێر و قەزا و ناحییەكان بەردەوامە.
لای خۆشیەوە، وەزارەتی سامانە سروشتییەكان ڕایگەیاندووە، تا ئێستا نەوتی عێراقی، كە بڕیارە حكومەتی عێراق دابینی بكات نەگەیشتۆتە هەرێم.
