بریکاری وەزارەتی کارەبای حکومەتی عێراق رەتیدەکاتەوە فەرمانی دەستگیرکردنی بۆ دەرچووبێت و دەڵێت:”ئەوەی فەرمانی دەستگیرکردنی بۆ دەرچووە بریکاری پێشووی وەزارەتی کارەبای عێراقە نەک من”.
عادل کەریم، بریکاری وەزارەتی کارەبای حکومەتی عێراق لە لێدوانێکی تایبەتدا بە (خەڵک)ی راگەیاند، ئەمڕۆ چوارشەممە لە بەشێك لە میدیاکان هەواڵی ئەوە بڵاوکرایەوە، کە فەرمانی دەستگیرکردنی بۆ دەرچووە،بەڵام ئەوەی فەرمانی دەستگیرکردنی بۆ دەرچووە بریکاری پێشووی وەزارەتی کارەبای عێراقە نەک من..
بریکاری وەزارەتی کارەبای حکومەتی عێراق ئاماژەی بەوەشکردووە، وەك بریکاری وەزارەتی کارەبا لە ئەرکەکەی بەردەوامە لە کارکردن.
