وەزارەتی گواستنەوەی عێراق ڕایگەیاند، بەرەبەیانی ئەمڕۆ سێشەممە بومەلەرزەیەک شاری بەغدای پایتەختی هەژاندووە و هیچ زیانێکی گیانی و ماددی بەدوایخۆیدا نەهێناوە.
دەستەی گشتی كەشناسی و چاودێری بومەلەرزەزانی عێراقئاماژەی بەوەکردووە بومەلەرزەکە لە کاتژمێر یەک و دوو خولەکی بەرەبەیانی ئەمڕۆ لە باشووری ڕۆژهەڵاتی بەغدا ڕوویداوە و هاوڵاتییان هەستیان پێیکردووە.
ئەوەشخراوەتەڕوو، گوڕی بومەلەرزەکە ٣.٥ پلە بووە بە پێوەری ڕێختەر، بەڵام هیچ زیانێکی بەدواوە نەبووە.
دەستەی گشتی كەشناسی و چاودێری بومەلەرزەزانی عێراق داوای لە هاوڵاتیان کردووە ئاگاداربن و دووربکەونەوە لە دەنگۆ و هەواڵی ناڕاست و پابەندبن بەو فەرمانانەی کە لەلایەن دەسەڵاتی گشتی کەشناسی و بومەلەرزەزانییەوە دەرکراون.
