بەرێوەبەرایەتی پۆلیسی سۆران رایگەیاند، ئەمڕۆ مەفرەزەکانیان لە سەنتەری بازاڕی سۆران لەکاتی ساغکردنەوەی پارەی ساختەدا کەسێکیان دەستگیرکرد، کە بڕی ٩٥٠ ھەزار دیناری عێراقی لەجۆری “بیست و پێنج ھەزاری” و بڕی ٢٠٠ دۆلاری ئەمریکی پێبووە.
پۆلیسی سۆران دەشڵێت:” ئەو کەسە بڕی ١٠٠ ھەزار دیناری دیکەی ساختەی ساغکردبووەوە و دواتر ئەو بڕەش دەستی بەسەردا گیرا”.
بەڕێوەبەرایەتییەکە لە راگەیەندراوەکەدا بڵاویکردووەتەوە، لە ئێستادا تۆمەتبار بە پێی ماددەی ٢٨١ لە یاسای سزادانی عێراقی راگیراوە، لێکۆڵینەوەکانیش لەگەڵیدا بەردەوامە.
