ئەندامێکی ئەنجوومەنی نوێنەرانی عێراق رایگەیاند، دانیشتنی نائاسایی ئەنجومەنی نوینەرانی عێراق تایبەت بە خویندنەوەی دووەم و گفتوگۆ لەسەر هەمواری یاسای کۆمیسیۆنی باڵای سەربەخۆی هەڵبژاردنەکانی عێراق بەئامادەبوونی ١٧٣ پەرلەمانتار دەستی پێیکرد.
کاروان یاروەیس، ئەندامی پەرلەمانی عێراق رایگەیاند، بەپێی هەموارەکە تەمەنی ئەنجومەنی کۆمیسیاران لەسەر داوای رەسمی ئەنجومەنی کۆمیسیاران بۆ ماوەی شەش مانگ درێژ دەکرێتەوە تابتوانێ سەرپەرشتی هەڵبژاردنەکانی ئەنجومەنی پارێزگاکانی عێراق و پەرلەمانی کوردستان بکات.
بڕیاربوو کۆبوونەوەکە ئەمڕۆ کاتژمێر ١:٠٠ ئەنجامبدرێت، بەڵام بەهۆی ئامادەنەبوونی رێژەی یاسایی پەرلەمانتارانەوە دانیشتنەکە بۆ کاتژمێر ٩:٠٠ی شەو دواخرا.
