قائیماقمیەتی دەربەندیخان رایگەیاند، رێگەی شاخی بەرانان بۆ ماوەی مانگێك بەڕوی هاووڵاتییاندا دادەخرێت.
قائیمقامیەتی دەربەندیخان لە راگەیەندراوێکدا بڵاویکردووەتەوە، لەسەر پێشنیاری بەشی پۆلیسی دارستان و ژینگەی دەربەندیخان لەپێناو سەلامەتی ژینگەی ئاژە کێوییەکان و پاراستنی سرووشت و ژینگەی ناوچەکەمان بڕیارماندا بە قەدەغەکردنی هاتووچۆکردن بۆ سەرشاخی بەرانان.
ئاماژەی بەوەشکردوە، لە 15/11/2023 تا 15/12/2023 شاخی بەرانان بەڕوی هاوڵاتییاندا دادەخرێت.
لە راگەیەندراوەکەدا هاتووە کە بەشێوەیەکی بەردەوام لەلایەن مەفرەزەکانی بەشی پۆلیسی دارستان و ژینگەی دەربەندیخان بەشێوەی گەڕۆک و کامێرای چاودێری و لەڕێگەی درۆنەوە چاودێری سەرشاخی بەرانان دەکرێت و سەرپێچیکاران ڕووبەڕووی ڕێکاری یاسایی دەکرێتەوە.
