قائیماقمیەتی قەزای دەربەندیخان ڕایگەیاند، شاخی بەرانان بۆ ماوەی مانگێك بەڕووی هاوڵاتییاندا دادەخرێت.
قائیمقامیەتی قەزای دەربەندیخان ڕاگەیەندراوێکی بڵاوکردەوە کە تیایدا هاتووە، لەسەر پێشنیاری بەشی پۆلیسی دارستان و ژینگەی دەربەندیخان لەپێناو سەلامەتی ژینگەی ئاژەڵە کێوییەکان و پاراستنی سرووشت و ژینگەی ناوچەکەمان بڕیارماندا بە قەدەغەکردنی هاتووچۆکردن بۆ سەرشاخی بەرانان.
ئاماژەی بەوەشکردوە، لە ١٥ی تشرینی دووەمی ٢٠٢٣ هەتا ١٥ی کانوونی یەکەمی ٢٠٢٣ شاخی بەرانان بەڕووی هاوڵاتییاندا دادەخرێت.
دەشڵێت: بەشێوەیەکی بەردەوام لەلایەن مەفرەزەکانی بەشی پۆلیسی دارستان و ژینگەی دەربەندیخان بەشێوەی گەڕۆک و کامێرای چاودێری و لەڕێگەی درۆنەوە چاودێری سەرشاخی بەرانان دەکرێت و سەرپێچیکاران ڕووبەڕووی ڕێکاری یاسایی دەکرێنەوە.
