وتەبێژی سوپای ئیسرائیل ڕایگەیاند، سوپاکەیان کۆنتڕۆڵی بەندەری غەززەی کردووە و دەشڵێت: حەماس بەندەرەکەی بۆ “کارەکانی خۆی” بەکارھێناوە.
ئەفیخای ئەدرەعی وتەبێژی سوپای ئیسرائیل لە پۆستێکدا لە تۆڕی کۆمەڵایەتیی (ئێکس) بڵاویکردەوە، ئۆپراسیۆنی بەندەری غەززە سەرکەوتوو بووە و بەندەرەکە لەلایەنی لیوای ١٨٨ ی زرێپۆش و یەکەی کۆماندۆی دەریایەوە کۆنتڕۆڵکراوە.
ئاماژەی بەوەشداوە، چەکدارانی حەمماس بەندەرەکەیان بۆ “کارە چەکدارییەکانی خۆیان” بەکارھێناوە، بەڵام چیتر بەندەرەکە لەژێر کۆنترۆڵی حەمماسدا نییە و سەرجەم باڵەخانەکانی مەرسای سەرەکیی پاککراونەتەوە.
ئەدرەعی جەختی لەوە کردوەتەوە، هێرشەکانیان بەردەوام دەبێت تا بەتەواویی کۆنتڕۆڵی تەواوی غەززە دەکەن.
لە بەرەبەیانی حەوتی تشرینی یەكەم، بزووتنەوەی حەمماس هێرشێكی ئاسمانی و زەمینی بۆ سەر خاكی ئیسرائیل دەستپێكرد و تا ئێستا شەڕەكە بەردەوامی هەیە.
