لە چوارچێوەی پاڵاوتنەکان بۆ جامی جیهانیی 2026، هەڵبژاردەی تۆپی پێی عێراق ڕووبەڕووی هەڵبژاردەی ئێندۆنیزیا دەبێتەوە.
یارییەکە کاتژمێر 5:45 خولەکی ئێوارەی ئەمڕۆ پێنجشەممە، لە یاریگای بەسڕە بەڕێوەدەچیت کە بە یەکەم تاقیکردنەوەی فەرمیی خیسۆس کاساس، ڕاهێنەری هەڵبژاردەی عێراق و تیمە ئیسپانییەکەی دادەنرێت.
کاساس هەوڵ دەدات کۆکردنەوەی سێ خاڵی یارییەکە بکاتە دەستپێکێکی باش بۆ یارییە فەرمییەکانی و عێراق بەرەو بەدیهێنانی خەونی بەشداریکردنی لە مۆندیال ببات، هەرچەندە بەمدواییە هەڵبژاردەی ڕکابەر ئاستێکی باشی نیشان داوە.
عێراق لە کۆمەڵەی شەشەمدا یاری دەکات کە هەریەك لە ڤێتنام و فلیپینیش لەخۆ دەگرێت.
