بەڕێوەبەرایەتی نەوت و كانزاكانی سلێمانی خشتەی دابەشكردنی نەوت بۆ سبەینێ ڕادەگەیەنێت، كە دوو گەڕەكی ناو شار و چوار قەزای دەرەوەی شار دەگرێتەوە.
بەڕێوەبەرایەتی نەوت و كانزاكانی سلێمانی لە ڕاگەیەنراوێكدا ئاماژەی بەوەكردووە، پڕۆسەی دابەشكردنی نەوت بەردەوامە و سبەی پێنج شەممە ۱٦ـ۱۱ـ۲٠۲۳ نەوت لەدەرەوەی شاری سلیمانی لە سنووری (قەزای چەمچەماڵ و ڕانیە و دووكان و هەڵەبجەی تازە) دابەش دەكرێت.
ڕاشیگەیاند، دابەشكردنی نەوت لە ناو شاریش بەردەوامە لە مەڵبەندی 10 و سبەینێ نەوت لە سنووری گەرەكەكانی (كانی كوردە و شەهیدانی سەرچنار نزیك گردەبڕاوەكە) دابەش دەكرێت.
ماوەی دوو مانگە دابەشكردنی نەوت بەسەر هاوولاتیاندا دەستی پێكردووە و بڕیارە تا كۆتایی ئەمساڵ سەرجەم هاووڵاتیان نەوتیان پێ بدرێت.
