ئیسماعیل خەزیر هەلوب، سەرۆکی دەزگای حکومەتی خۆجێی لە پارێزگای سەڵاحەدین، ڕێنمایی داخستنی سەرجەم دوکانەکانی خواردنەوە کحولییەکانی پارێزگاکەی کرد.
بەگوێرەی نوسراوێکی فەرمی کە لەلایەن قایمقامیەت دەرچووە و لەگەڵ واژۆی خۆی هاوپێچ کراوە، کە ئاراستەی لایەنە ئەمنییەکان و بەشی گەشتوگوزار لە سەلاحەدین کراوە، بڕیاردرا سەرجەم دوکانەکانی فرۆشتنی خواردنەوە کحولیەکان لە سەرتاسەری پارێزگای سەلاحەدین دابخرێن، بەپێچەوانەوە سەرپێچیکار بەرپرسیاردەبێت و بە پێی یاسا سزادەدرێن.
