کاسرین ڕەسڵ بەڕیوەبەری جێبەجێکاری سندوقی منداڵان لە نەتەوە یەکگرتووەکان ڕایگەیاند، زیاتر لە یەک منلیۆن منداڵ لە کەرتی غەززە بوونیان هەیە کە زۆرێکیان بێسەروشوین بوون یاخود لەژێر پاشماوەی بینا و باڵەخانە ڕووخاوەکاندا بەجێ ماون.
لە راگەیەنراویکدا کە لە ماڵپەڕتی تایبەت بە نەتەوەیەکگرتووەکان بڵاوکراوەتەوە، ڕاسڵ ئاماژەی بەوەکردووە، لە نێو کەرتی غەززەدا شوێنێکی هێمن و پارێزراو نییە بۆ ملیۆنێک منداڵی ئەو کەرتە، وتیشی زیاتر لە چوار هەزار و ٦٠٠ منداڵ کوژراون و نزیکەی نۆ هەزار منداڵ برینداربوون.
باسی لەوەشکرد، بەشێکی زۆر لە منداڵان دابڕاون و بیشسروشوێن بوون یاخود لەژێر دارو پەردووی بینا و باڵەخانە ڕووخاوەکاندا بەجێ ماون.
ئەوەشی خستەڕوو، کردنەوەی خاڵ و دەروازە سنوورییەکانن بەشێوەیەکی کاتی لەپێناو گەیاندنی هاوکارییە مرۆییەکاندا بەتەنها بەس نییە بۆ پڕکردنەوەی پیداویستییە زۆرەکان لەکاتێکدا وردە وردە کەشو هەوا دەگۆرێت و وەرزی زستان و سەرما دەستپێ دەکات و هاوڵاتیان زیاتر پێویستیان بە سووتەمەنی دەبێت.
ڕێکخراوی نەتەوە یەکگرتووەکان لەماوەی رابردوودا بڵاوی کردەوە لەگەڵ بەردەوامی هێرشەکانی ئیسرائیلدا ڕۆژانە لەکەرتی غەززە زیاتر لە ٤٠٠ منداڵ دەکوژرێن و بریندار دەبن.
