فەرماندەی نوێی هێزەکانی دژە تیرۆری عێراق دەستنیشان کرا و کوردێکیش پۆستێکی باڵای لە دەزگاکە وەرگرت.
بە فەرمانی محەمەد شیاع سودانی، سەرۆك وەزیران و فەرماندەی گشتی هێزە چەکدارەکانی عێراق، لیوا ڕوکن حەسەن مەکنزی بە فەرماندەی هێزەکانی دژە تیرۆری عێراق دەستنیشان کرا.
هاوکات لیوا ڕوکن سامان تاڵەبانی کرایە فەرماندەی فەرماندەیی سێی دەزگاکە و عەمید ڕوکن محەمەد زوبێر بە فەرماندەی ئۆپەراسیۆنە تایبەتەکان و عەمید ڕوکن عەلا یاسر بە فەرماندەی فەرماندەیی یەکی دەزگای دژە تیرۆر دەستنیشان کران.
دەستنیشانکردنی فەرماندەکانی دژە تیرۆر لە چوارچێوەی ئەو گۆڕانکارییانەدا دێن کە سودانی لە دەزگاکە دەستیپێکردووە و سەرەتای ئەم مانگەش، عەبدولوەهاب ساعدی لە سەرۆکی دەزگاکە دوورخستەوە و لە بری ئەو کەریم عەبود دەستبەکاربوو.
