ئەمڕۆ یەکشەممە، سەرۆکایەتی شارەوانی سلێمانی ئاگادارییەکی بۆ شۆفێران و هاووڵاتیان بڵاوکردەوە، لە دوو ڕۆژی داهاتوودا شەقامی مەلیک محمود- پردی وڵووبە تا پردی قالاوە قیرتاو دەکرێت.
سەرۆکایەتی شارەوانی سلێمانی ڕایگەیاند، بە مەبەستی تەواوکردنی پلان و بەرنامەی قیرتاوکردنی ئەمساڵ و بە سوودوەرگرتن لە کەشوهەوا، تیمەکانمان لە دوو ڕۆژی داهاتوودا هەڵدەستن بە قیرتاوکردنی شەقامی مەلیک محمود- پردی وڵووبە تا پردی قالاوە.
ئاماژەی بەوەکرد، داوا لە هاوڵاتیان دەکەین بۆ کاری پێویست نەبێت شەقامەکە بەکارنەهێنن، چونکە پێدەچێت بەهۆی کارەکانمان ئاستەنگی هاتووچۆ و قەرەباڵغی دروست ببێت.
