ئەمڕۆ شەممە، لیژنەی دارایی لە ئەنجومەنی نوێنەران سەرنجی خستەسەر بڕیارەکەی بانکی ناوەندی عێراق بۆ هاوردەکردنی “دراوی بیانی” لە دەرەوەی وڵات، هاوکات ئاماژەی بەوەکرد کە کار بۆ میوانداریکردنی عەلی عەلاق دەکات.
مستەفا کەرعاوی، ئەندامی لیژنەکە بە “بەغداد الیوم”ی ڕاگەیاند، “لیژنەی دارایی لە ئەنجومەنی نوێنەران کار بۆ میوانداریکردنی عەلی عەلاق، پارێزگاری بانکی ناوەندی و ستافی باڵای بانکەکە دەکات، بۆ تاوتوێکردنی بڕیاری هاوردەکردنی دراوی بیانی لە دەرەوە، بۆ زانینی هۆکارەکانی دەرکردنی بڕیارەکە و کاریگەرییەکانی لەسەر دۆخی ئابووری ناوخۆی عێراق”.
ناوبراو ڕایگەیاند، ترسێک هەیە کە ئەم جۆرە بڕیارانە لەلایەن هەندێک لایەن و کەسایەتییەوە بقۆزرێتەوە، بۆیە ئێمە هەڵوێستمان دەبێت بۆ بەدواداچوون و چاودێریکردن، هەروەها هەڵوێستمان دەبێت بۆ ئەوەی بڕیارێکی گونجاو بدەین دوای پێداچوونەوە بە تەواوی وردەکارییەکان لە ماوەی چەند ڕۆژی داهاتوو.
ڕێنماییەکانی بانکی ناوەندی عێراق، کە ڕۆژی چوارشەممە بڵاویکردەوە، سەبارەت بە ڕێگەدان بە بانکەکان بۆ هاوردەکردنی دراوی بیانی لە دەرەوە، کۆمەڵێک پرسیار و گفتوگۆ لە بازنەکانی ئابووریدا سەبارەت بە یاساییبوون و پاڵنەر و ئامانجەکانی ئەم هەنگاوە لە خۆدەگرێت.
هاوکات هەندێک بڕیاری ئەنجومەنی شورای دەوڵەتیان لە ساڵی ٢٠١١ وەبیرهێنایەوە، بۆ دەرئەنجامدانی نەبوونی بنەمایەکی یاسایی بۆ بڕیاری هاوردەکردنی دراوی بیانی، ئەنجومەنی دەوڵەتی شورا بڕیاری ٢/٢٠١١ی دەرکرد، لە مانگی کانوونی دووەمی ساڵی ٢٠١١، لەسەر بنەمای داواکارییەک بۆ بۆچوونێک کە لەلایەن دیوانی چاودێری داراییەوە پێشکەش بە ئەنجومەن کرا.
ئەنجومەنی دەوڵەتی شورا پشتی بە چەندین دەقی یاسایی بەست بۆ دەرخستنی نەبوونی بنەمایەکی یاسایی بۆ بانکی ناوەندی بۆ پێدانی مۆڵەت بۆ هاوردەکردنی دراوی بیانی لە دەرەوە.
لە لایەکی دیکەوە توێژەرانی کاروباری ئابووری ڕاستیی ڕێنماییەکانی بانکی ناوەندییان سەلماندووە، بەو پێیەی پێشتر بانکی ناوەندی لە مانگی تەمموزی ساڵی ٢٠١١ ڕێنمایی هاوردەکردنی دراوی بیانی دەرکردبوو، هەر لەو کاتەشدا لە ڕۆژنامەی وەقائیع بڵاوکرانەوە، واتە ٦ مانگ دوای بڕیاری ئەنجومەنی شورای دەوڵەت.
چاودێران و پسپۆڕان کۆمەڵێک پرسیاریان سەبارەت بە بڕیارەکەی بانکی ناوەندی وروژاند سەبارەت بە هۆکاری کردنەوەی دەرگای هاوردەکردنی دراوی بیانی، ئەمەش بەو مانایە دێت بانکی ناوەندی ئاستەنگی بۆ دروستبووە بۆ بەدەستهێنانی دۆلار یان بڕێکی پێویستی لە یەدەگی فیدراڵی ئەمریکاوە، بەم شێوەیە بانکی ناوەندی بڕی پێویستی دۆلاری نییە بۆئەوەی خواستی بازاڕ پڕبکاتەوە.
