ئەمڕۆ نرخی دۆلار زیاتر بەرزبووەوە بەجۆرێك 100 دۆلار بە 151 هەزار و 350 دینار مامەڵەی پێوەكرا.
یادگار حەسەن، لە كۆمپانیای سەعید بۆ ئاڵوگۆڕی دراو لە سلێمانی بە (خەڵك)ی ڕاگەیاند، ئەمڕۆ نرخی دۆلار زیاتر بەرزبووەوە بەجۆرێك 100 دۆلار گەیشتە 151 هەزار و 350 دینار.
سەبارەت بە هۆكاری بەرزبوونەوەكە ئاماژەی بە ئەوە كرد، هۆكارەكەی بۆ كەمبوونەوەی بڕی دۆلار لەبازاڕ و بەرزبوونەوەی خواست لەسەری دەگەڕێتەوە.
وتیشی، پێشبینی دەكرێت هەتا سەری ساڵ و هاتنی ساڵی نوێ بەردەوام نرخی دۆلار ڕوو لە بەرزبوونەوە بكات.
