دژەتیرۆری کوردستان رایگەیاند، هێرشەكەی ئەمڕۆی سەر فڕۆكەخانەی هەریر، لە ڕێگەی درۆنێکی بۆمبڕێژکراوەوە بووە.
دژەتیرۆری کوردستان بڵاویکردووەتەوە، بەگوێرەی زانیارییەکانی دژەتیرۆری کوردستان، ئێوارەی ئەمڕۆ پێنجشەممە کاتژمێر 7:15، لە ڕێگەی درۆنێکی بۆمبڕێژکراوەوە هێرشکرایە سەر فڕۆکەخانەی هەریر لە پارێزگای هەولێر کە پێشتر وەک بنکەیەکی سەربازیی هاوپەیمانیی نێودەوڵەتیی دژی داعش بەکار دەهات، لە 20-10-2023 چۆڵ کراوە، بەهۆی هێرشەکەوە ئاگر لە کۆگەی سووتەمەنیی بنکەکە کەوتووەتەوە.
لە دوای شەڕی نێوان ئیسرائیل وفەلەستین، ماوەیەک بەبەردەوامی هێرشدەکرێتە سەر دەوروبەری فڕۆکەخانەی هەریر کە بنکەی سەربازی هێزەکانی هاوپەیمانانی لێیە.
