بەگوێرەی دەرخستەی بۆرسەی جیهانی بازاڕی نەوت ئەمڕۆ پێنجشەممە، یەک بەرمیل نەوتی خاوی برێنت بە ٧٩ دۆلار و ٦١ سەنت مامەڵەی پێوەدەکرێت و بەراورد بە دوێنێ نرخەکەی یەک دۆلار و ٩٧ سەنت دابەزیووە.
هاوکات، نرخی یەک بەرمیل نەوتی خاوی ئەمریکی (تێکساس) بە ٧٥ دۆلار و ٤٠ سەنتە و بەراورد بە دوێنێ چوارشەممە نرخەکەی یەک دۆلار و ٧٥ سەنت دابەزیووە.
لە چەند ڕۆژی ڕابردوودا سعودیە ڕایگەیاند، لەگەڵ ڕوسیا تا کۆتایی مانگی کانوونی دووەمی داهاتوو بەردەوام دەبن لە کەمکردنەوەی خۆبەخشانەی بەرهەمهێنانی نەوت و بەپێی بڕیارەکەش سعودییە ڕۆژانە تەنها نۆ ملیۆن بەرمیل نەوت بەرهەمدەهێنێت.
لەو بارەیەوە، ڕێکخراوی ئۆپیک ڕایگەیاند، تا کۆتایی ئەمساڵ کەمکردنەوەی بەرهەمهێنانی نەوت لەلایەن سعودییە و ڕوسیاوە دەبێتە هۆی کەمبوونەوەی دابینکردنی ڕێژەی پێویستی نەوت لە جیهاندا.
هاوکات، ناکۆکییەکانی نێوان حەماس و ئیسرائیل کاریگەری لەسەر نرخی نەوت و بازاڕەکانی ئەو وزەیە داناوە.
