ئەمڕۆ پێنجشەممە، خوێندکارانی پۆلی ١٢ی ئامادەیی لەشاری سلێمانی خۆپیشاندانیان ئەجامدا و لەبەردەم بەڕێوەبەرایەتی پەروەردەی شاری سلێمانی گردبوونەوە و داوایانکرد پرۆگرامی خوێندنیان بۆکەم بکرێتەوە.
گردبوونەوە و ناڕەزاییەکانی خوێندکاران لەکاتێکدایە، ماوەی دوو مانگە بەفەرمی پرۆسەی خوێندن لە هەرێمی کوردستان دەستی پێکردووە، بەڵام بەهۆی بایکۆتی مامۆستایان و پێنەدانی مووچەکانیان پرۆسەی خوێندن لەپارێزگای سلێمانی وەستاوە و خوێندکاران ئەمە بە خاڵێکی مەترسیدار لەسەر داهاتوویان هەژمار دەکەن.
وەک خوێندکاران ئاماژەی بۆدەکەن ئەگەر پرۆگرامەکەیان بۆ کەم نەکرێتەوە ئەوا فریای کۆشش و بەدەستهێنانی ئەو نمرەیە ناکەون کە دەیانەوێت بەدەستی بهێنن، چونکە داهاتووی ئەوان پەیوەستە بەو نمرەیەوە کە لە پۆلی ١٢ بەدەستی دەهێنن.
